Oto, si dices que yo represento a daquién, ¿entós tu igual representes a más? Yo creo que non, nin tu nin yo, camiento que los dos tamos equí representando única ya esclusivamente a nos mesmos, non a otres persones nin tampocu a orgs. polítiques. Caltengo la entruga: ¿pa quien d'esti pueblu ye una prioridá facer esos puentes? Ye un debate inesistente hasta esta selmana que salió na prensa "l'avance" del PXOU. Enxamás sintí a naide plantegar de forma seria lo d'esos puentes, quitando la famosa pasarela del PP pero que nun tien na que ver con esta propuesta dende'l mi puntu vista. Soi de la teoría de que la mayoría de les necesidaes humanes, les non primaries, son creaes artificialmente por daquién que depués va sacar tayada satisfaciendo eses mesmes necesidaes que creó intelixentemente.
Pero bueno, dexando esto a un llau, si al final plantégase de verdá, que nun seya como se ta faciendo, puentes si, puentes no. Como apaecia nel comerciu dichu por un conocíu vecín de Tereñes, esto acaba llevándose a un "inversion nel pueblu si, inversión nel pueblu non" y viose ya tamién equí nel foru. Como ya dixo Atalaya tamién, hai que invertir y crear puestos de trabayu, pero n'otres estayes qu'además son prioritaries, non faciendo puentes, que dende'l mi puntu vista y del mi entornu social, lo que yo conozo y veo na xente, vese como una frivolidá qu'además va suponer un impactu ya un cambiu pergrande no que ye la imaxe de Ribeseya.
La única necesidá real nesta materia ye facer un puente nuevu lo suficientemente ampliu pa tener una calzada ancha, carril bici y unes aceres en condiciones.
Salú! | 
