Bones, solu queriamos asoleyar nesti foru ta acabantes de nacer esti blogue que con muncha ilusión y modestia ponemos en marcha. Intentaremos actualizalu delles vegaes por selmana con noticies de Ribeseya y del restu del mundiu y tamien con articulos d'opinión. Ye un proyeutu abiertu a tol mundiu que quiera collaborar y aunque la llingua vehicular va ser l'asturiana, tamien tamos abiertos/es a espublizar n'español. Ansina que tol mundiu pue animase a unvianos lo que quiera.
Por últimu dicir que disculpeis la probeza del diseñu y demás, pero pocu a pocu diremos meyorando la imaxen, ¡entá tamos faciendonos con esto de llevar una páxina n'Internet!
Un saludu!
http://latalaya.wordpress.com/
Güei tamos de folixa, asoleyamos L'Atalaya. El blog pretende ser una ventana abierta dende Ribeseya a Asturies y al mundu, dende onde asoleyar la particular visión d'estos que compartimos quienes sofitamos esti proyeutu que quier ser un proyeutu abiertu a la participación del Pueblu de Ribeseya. Garramos el nome como homenaxe al selmanariu "La Atalaya" qu'esistió na década de los años venti del pasáu sieglu nel nuesu conceyu y que foi tou un símbolu y sofitó enforma l'estimular la vida cultural del conceyu naquella dómina. Pretendemos, dende la humildá, da-y un homenaxe a toles persones que puxaron pola cultura nel conceyu en toles époques y da-y un enfoque del sieglu XXI, ensin perder de vista les nueses señes. Ye por ello además, que la llingua y la cultura asturianes van ser dos de los pegoyos principales de L'Atalaya, aunque por sopuestu, esto nun suponga denguna torga pa la espublización de materiales n'español.
Ensin otru aquel, unviámosvos un candial saludu, esperando que vos preste y pidiendo dende ya mesmu la vuesa collaboración pa sacar alantre esti espaciu.
