- Portada - Responder - Estadísticas - Registrarse - Buscar -

Política / XII Día d'Andecha (Sábadu 23 de Mayu, Ribeseya)
  
Autor Mensaje
Och34


Esti próximu sábadu 23 de mayu cellebramos una nueva edición del "Día d'Andecha" que nesti añu llega a la so XII edición y que s'entama en Ribeseya.

El día d'Andecha ye la nuesa conmemoración de la declaración de soberanía de la Xunta Xeneral el 25 mayu de 1808, que cellebramos el sábadu más cercanu a esta fechacoincidiendo sti añu el sábadu 23 de mayu.

Descensu vindicativu del ríu Seya, partía de bolos y taller de cuatreada, pasucais de gaiteros, espicha con música del país, mitín y conciertu son les actividaes programaes nesti XII Día d'Andecha.

El XII Día d'Andecha cellébrase esti añu nel Conceyu de Ribeseya y coincide col entamu de la campaña ellectoral polo qu'esta edición tien una mayor relevancia política al quedar incluyío dientro de los actos de campaña que va desendolcar Andecha Astur. Ensin perder de vista que ye'l día de la organización y la nuesa conmemoración d'un fechu históricu de tanta relevancia como la declaración de soberanía de 1808, la campaña de les elleiciones europées marcará tamién l'actu.

El día ta enllenu d'actividaes. Pela mañana, a les 12:00 hores, saldrá de Ribeseya el descensu vindicativu de ríu Seya qu'ocupara les hores centrales del día. Yá pela tarde en Ribeseya, na zona de L'Atalaya, van desendolcase delles actividaes. Una partía bolos y un taller de cuatreada, a les 18:00 hores, va sirvir pa la promoción y vindicación del esporte tradicional. A les 20:00 hores entama un pasucais con gaiteros que percorrerá les principales cais de Ribeseya.

Una hora más tarde, a les 21:00 hores, entama l'actu central del Día d'Andecha, el mitín y la espicha con música del país. Nel actu políticu van intervenir Mario Arbesú, candidatu d'Andecha Astur a les elleiciones europées, Iván Martínez, voceru d'Andecha Astur en Ribeseya y Marcos Ménendez, voceru de la organiación xuvenil Darréu.

Pa zarrar el día, dempués de la espicha y les intervenciones polítiques, pa zarrar esti XII edición, un conciertu qu'axuntará folk, rock y punk. El folk van ponélu'l grupu llocal "Pa musquis" y "Taranus", el rock y el punk van ponelu los ribeseyanos "Trueba" y "Agua Cero".

Pa más información o p'apuntase pal descensu del Seya:

ribeseya@andecha.org

Miembro# Publicado: 21 May 2009 16:10
Responder 
Su respuesta
Estilo Negrillas  Estilo Italico  Estilo Subrayado  URL De La Imagen  URL De La Web  YouTube URL 

» Usuario  » Contraseña 
Solo los Usuarios Registrados pueden postear Aqui.
 

Ahora estn Online: Invitados - 1
Miembros - 0
Record de usuarios el da: 0 [1 Ene 1970 00:00]
Invitados - / Miembros -
los foros de Ribadesella.com © 1999 -2022